Civil engineering is a professional engineering discipline that deals with the design, construction, and maintenance of the physical and naturally built environment, including public works such as roads, bridges, canals, dams, airports, sewage systems, pipelines, structural components of buildings, and railways.

എഞ്ചിനീയറിങ്ങിന്റെ ഒരു ശാഖയാണ് സിവിൽ എഞ്ചിനീയറിങ്ങ്. കെട്ടിടങ്ങൾ, പാതകൾ, പാലങ്ങൾ, ഹാർബറുകൾ, വിമാനത്താവളങ്ങൾ, തുരങ്കങ്ങൾ, ശുദ്ധജല വിതരണ ശൃംഖലകൾ, ജലസേചന ശൃംഖലകൾ, മാലിന്യ നിർമ്മാർജ്ജന ശൃംഖലകൾ, അണക്കെട്ടുകൾ, തുടങ്ങിയവയുടെ നിർമ്മാണമാണ് ഈ എഞ്ചിനിയറിങ്ങ് ശാഖയുടെ പഠനമേഖല. ഇത്തരം നിർമിതികളുടെ രൂപകല്പന, നിർമ്മാണം, പരിപാലനം ഒക്കെ സാധ്യമാക്കുന്ന സാങ്കേതിക വിദ്യയാണ് സിവിൽ എഞ്ചിനിയറിങ്ങ്. വിവിധ തരം നിർമ്മിതികളിൽ അനുഭവപ്പെടുന്ന ഭാരം കണ്ടു പിടിയ്ക്കുകയും അതിന്റെ വിതരണം കൃത്യമായും മനസ്സിലാക്കുകയും ചെയ്യുക എന്നതാണ് സിവിൽ എഞ്ജിനീയറിംഗിന്റെ ആദ്യ ലക്ഷ്യം. അതിനു ശേഷം ഓരോ നിർമ്മിതിയുടേയും വിവിധ അവശ്യഘടകങ്ങളെ നിർവ്വചിയ്ക്കുന്നതിനായി ഉള്ള പഠനവും ഇതിന്റെ ഭാഗമാണ്.